Meu amigu' e meu ben e meu amor,

disseron-vos que me viron falar

con outr' ome, por vos fazer pesar,

e por en rogu' eu a Nostro Senhor

que confonda quen vo-lo foi dizer

e vós, se o assi fostes creer,

e min, se end' eu fui merecedor.

E já vos disseron por mi que falei

con outr' ome, que vos non tiv' en ren,

e, se o fiz, nunca mi venha ben,

mais rog' a Deus sempr' e rogá-lo-ei

que confonda quen vo-lo diss' assi

e vós, se tan gran mentira de mi

crevestes, e min, se o eu cuidei.

Sei que vos disseron, per bõa fé,

que falei con outr' om' e non foi al

se non que vo-lo disserom por mal,

mais rogo a Deus, que no ceo se[e],

que confonda quen vos atal razon

diss' e vós, se a crevestes enton,

e que confonda min, se verdad' é.

E confonda quen á tan gran sabor

d'antre min e vós meter desamor,

ca maior amor no mundo [non] é.

João Airas de Santiago