quinta-feira, 6 de janeiro de 2011

NÔS SINA

Distino di nôs caboverdiano
É cumâ tchota na sê ninho.
Necê, criâ, sarrâ pena
Dipôs buâ pa mundo londge.

Nhor Dês qui dano, no recebê
És sina di fidjo-di-terra
Largâ família pa djobê bida
Dipôs voltâ pa morrê la.

Quando pequeno, 'n creba tanto
Crecê dipressa pa saltâ mar.
Agô mi londge co és sodade
'N ta dâ tudo pam ser minino.

Quel estória di embarcadio
Era fantasia e nada más.
Pamó el dixâ di narrâ
Nôs bida na terra stranho.

Artur Vieira

Sem comentários: